ZABURI YA MAADHIMISHO YA MIAKA 75 YA TANZANIA ASSEMBLIES OF GOD

ZABURI YA SHEREHE ZA MIAKA 75 YA UWEPO WA TANZANIA ASSEMBLIES OF GOD (TAG)

1 Mshukuruni Bwana kwa kuwa ni mwema

   Kwa maana fadhili zake ni za milele

2 Mshukuruni Mungu wa miungu

    Kwa maana fadhili zake ni za milele

3 Mshukuruni Bwana wa Mabwana

    Kwa maana fadhili zake ni za milele

4 Yeye peke yake afanya maajabu makuu

   Kwa maana fadhili zake ni za milele

5 Alimtuma Paul Derr toka Marekani hata Igale

   Kwa maana fadhili zake ni za milele

6 Akamtumia kuwasha moto mkuu wa uamsho Igale

   Kwa maana fadhili zake ni za milele

7 Watu kwa mamia wakaokolewa, wakaponywa, na kujazwa Roho Mtakatifu

   Kwa maana fadhili zake ni za milele

8 Akajichagulia Yohana Mpayo na Moses Kametta, baadhi ya watumishi wake

   Kwa maana fadhili zake ni za milele

9 Akawatia nguvu wakasafiri maili 120 hadi Malawi kwa miguu

   Kwa maana fadhili zake ni za milele

10 Wakataka ushirikiano wa huduma toka kwa Wamisioni waliokuwa Malawi

     Kwa maana fadhili zake ni za milele

11 Akawapa kibali machoni mwa Wamisioni wa Assemblies of God wakaja kuwalea

     Kwa maana fadhili zake ni za milele

12 Wamisionary wakawa nguzo ya kulitegemezana kulikuza Kanisa

    Kwa maana fadhili zake ni za milele

13 Wakajenga misingi ya elimu ya kiroho kwa kuanza Vyuo vya Biblia

     Kwa maana fadhili zake ni za milele

14 Moto wa uamsho ukawaka Itende hata madarasa yakageuka “Azusa”

     Kwa maana fadhili zake ni za milele

15 Arusha Bible College ikawasha moto Kaskazini, Dodoma na Mwanza

    Kwa maana fadhili zake ni za milele

16 Walisuka Kanisa kwa Idara za CA”s WWK, Sunday School na Machapisho

      Kwa maana fadhili zake ni za milele

17 Idara zikawa nguzo za Kanisa katika kukua kwake

     Kwa maana fadhili zake ni za milele

18 Alilitia Kanisa katika usimamizi wa Watumishi wenyeji wa Tanzania

     Kwa maana fadhili zake ni za milele

19 Akajiinulia Watumishi wa kuliongoza Kankisa kwa awamu akiwapa majukumu

     Kwa maana fadhili zake ni za milele

20 Akampa Lazaro kukoleza uamsho nchi nzima

     Kwa maana fadhili zake ni za milele

21 Akamuwezesha kulivusha Kanisa katika kipindi hatari cha mgawanyiko

     Kwa maana fadhili zake ni za milele

22 Akamuinua Mwenisongole apokee kijiti kwa Lazaro

     Kwa maana fadhili zake ni za milele

23 Akamtumia kuongoza ujenzi wa Makao Mkuu na Elimu ya Watumishi

     Kwa maana fadhili zake ni za milele

24 Alimuinua Mtokambali apokee kijiti cha uamsho

     Kwa maana fadhili zake ni za milele

25 Akamtumia kuliongoza Kanisa kimkakati

     Kwa maana fadhili zake ni za milele

26 Kanisa likakua kama uyoga pande zote hata ulimwengu ukazizima

     Kwa maana fadhili zake ni za milele

27 Ametujalia kufikia miaka 75 ya uwepo wa Kanisa

     Kwa maana fadhili zake ni za milele

28 Alituma wimbi la uinjilisti nchi nzima, nchi ikavunwa kama ngano

     Kwa maana fadhili zake ni za milele

29 Akatupa amani na utulivuTanzania kipindi chote cha Kanisa hadi leo

   Kwa maana fadhili zake ni za milele

30 Mshukuruni, Msifuni, Mwabuduni kwa Ukuu wake

    Kwa maana fadhili zake ni za milele